سامعاكوا بتقولوا ما غريب إلا الشيطان
غريبة إنى فكرت أنزل بوست هنا مع أنى بقالى فترة طويلة أوى راكنة البلوج بتاعى الأساسى ومش بكتب فيه حاجة
يمكن عشان هنا ببقى براحتى أوى وبحس أنى ممكن أعك عادى جداً وأقول كل الى فى نفسى
اللى بيسألنى مش بتنزلى حاجة جديدة ليه بقوله أصلى مليش نفس
وبستغرب اوى من نفسى ويمكن بزعل منها كمان لما بقول الكلمة دى لأنى يمكن بعيش أكتر فترات حياتى سعادة أو راحة نفسية
بس يمكن انا فيا عيب انى ملولة
وبخاف يكون فيا عيب الطموح المؤقت
يعنى أنا فاكرة كويس اول ما علمت البلوج ومش عايزة أقولكوا على الأهتمام بالكلام والردود والإطلاع على بلوجات الناس وقرايتها كويس والرد بنظام
فاكرة ان كان اول حاجة بعملها اول ما ارجع من الشغل اساسى أفتح البلوج خاصة لو لسه منزلة موضوع جديد وعايزة اعرف رد فعل الناس
حتى كان عندى افكار ومواضيع من زمان ومركونة عندى يعنى كل اللى هعمله انى بس هنزلها بس مليش نفس
يوووووووووووووووه أدينى بقولها تانى
مش قادرة أفهم ليه بس حاسة انى وصلت لمرحلة خلاص أكتفيت يعنى نوع من انواع اعتزلت الملاعب وأنا فى اوج مجدى
مجدى مين بس دلوقتى
المهم قررت ادخل على البلوج ده لأنه ليه معزة خاصة عندى ( مش المعزة مرات الخروف ) ولأنى بحبه جداً لأن مسموحلى اهيس فيه براحتى
وكمان لأنى دخلت على الأم إس ان وملقيتش فى حد واستغربت أوى وبعدين افتكرت
النهاردة ماتش الأهلى وبرشلونة وكل الناس دلوقتى بتتفرج على الماتش
حتى رئيس الجمهورية ذات نفسه
وبعيداً عن أنى زملكاوية أنا أصلاً بطلت اتفرج على ماتشات
ممكن بس لو جه جوون اقوم اتفرج
يمكن السبب انى مبكتبش أنى حاسة انى مشغولة
يمكن الفترة دى مرتاحة كده من على الوش بس مضطربة شوية من جوا
يمكن عشان فى شوية حاجات هتتغير فى حياتى
منتظرة الفترة الجاية عشان اعرف هيحصل ايه ؟؟؟
وياترى هحس بالأستقرار وحاجات كتير هتتغير ولا لأ
هيجيلى نفس اكتب تانى ولا لأ
أوما أنا بحبك أوى
بحب رناتك ورسايك اللى بتخلينى طايرة كده
بحب اهتمامك ورقتك واحساسك
جيتى فى بالى وانا بكتب قلت أشوفك بكلمتين
NoHeR
2 comments:
allaaaaaaaaah
da el matlob
tahyes w klam w 5alas
te3rfi eni mab2etsh a2olk nazli gded 3la elblog 3shan 3arfa elly enty feh
mar7alet eltarkob w elentzar
lesa mosh 3arfa tezbti nafsk w mestnya teshofy eh haye7sl
ana kman ba7ebk awii
w akbr a7lamy fe el7ya elly as7a kol youm ala2y msn menk :)
keda ayamy kolha hateb2a 7elwa mosh ma32oool
7elwa ashoft beklmten de
motshakren :D
ba7ebk awiii
mna ba7eb elblog dh awy 3shan kda
3shan bb2a bera7ty
3rfa kman ba7es fih eny bb3tlk msg
msg mel msgat el3abita di elli benb3tha le b3d
Post a Comment